<

كم تكلفة السفر الى نيوزيلندا 2020

تكاليف المعيشة في نيوزيلندا
تكاليف المعيشة في نيوزيلندا
ويلنجتون - صوت نيوزيلندا واستراليا /
ويلنجتون –   صوت نيوزيلندا واستراليا / إن شاء الله باحاول اشرح اللي اقدر عليه في الموضوع دا كل اللي ببالكم عن المصاريف في نيوزلندا ..
وإذا نسيت شي أو احد عنده تعقيب أو استفسار فالمجال مفتوح لنا كلنا عشان نستفيد أكثر من بعض ..
يللا نبدأ ..
أنا حاتكلم عن المصاريف في مدينة أوكلاند اللي هي أكبر مدينة في نيوزلندا وتعتبر أغلى مدينة فيعني اللي بيروح مدينة ثانية يحط بباله انه حتكون ارخص بس مو بكثير ..
1) تذكرة السفر :-
بالنسبة لتذكرة السفر غالباً بتكون في حدود 5000 ريال سعودي إلى 8000 ريال سعودي على حسب خطوط الطيران اللي تطلع معاها ..
* خطوط الطيران اللي توصل لنيوزلندا هي :-
– خطوط الكاثي باسيفيك .
هي خطوط طيران تابعة لمدينة هونغ كونج الصينية .. وغالباً يكون في توقف في هونج كونج ..
– الخطوط الماليزية .
هي خطوط طيران تابعة لدولة ماليزيا .. وغالباً يكون التوقف في مدينة كوالا لمبور ..
– الخطوط السنغافورية .
هي خطوط طيران تابعة لدولة سنغافورا .. وغالباً يكون التوقف في مدينة سنغافورة ( ملاحظة لا تستطيع مغادرة المطار في حال التوقف ) .
– الخطوط الإماراتية .
هي خطوط طيران تابعة لدولة الإمارات .. وغالباً التوقف يكون في مدينة أبو ظبي ..
& ملاحظة :- إذا كانت رحلتك حتتوقف في أي مدينة داخل ( أستراليا ) فلازم تطلع فيزا ترانزيت أو فيزا سياحة .. حتى لو كانت مدة التوقف دقيقة واحدة
بالنسبة لأفضل سعر أنا مرتب الخطوط على حسب الأرخص فالأغلى بس دايماً شيك على كل المواقع في حال كان في طيران ارخص من الثاني اتوكل على الله واقطع التذكرة ..
مدة الرحلة تقريباً في حدود 20 ساعة طيران من غير ساعات التوقف ..
إذا حاب تشوف موقع الخطوط السابقة بس اضغط على الكلمة وبيفتح لك موقعهم ..
2) السكن ..
بالنسبة للسكن في نيوزلندا عندك غالباً 3 خيارات ..
الخيار الأول / السكن مع عائلة ..
الميزات / غسيل الملابس – وجبتان في اليوم – ثلاث وجبات في عطلة نهاية الأسبوع – عليهم تنظيف البيت – ممارسة اللغة .
التكلفة / من 700 ريال وانت طالع .. اسبوعياً ( أغلب العوائل تكون في حدود 220 – 240 ) دولار نيوزلندي .
الخيار الثاني / السكن في غرفة ..
الميزات / قريب من مركز المدينة غالباً – تكون في حرية الدخول والخروج – تعزم اصحابك متى ما حبيت – ممكن توفر حق الباص لو كانت قريبة من المعهد ..
ولكن حط ببالك انه من غير الاكل والشرب .. يعني عليك تشتري حق فطورك وغداك وعشاك
التكلفة / من 800 ريال وانت طالع .. اسبوعياً ( أغلب الشقق تكون في حدود 250 ) دولار نيوزلندي
الخيار الثالث / مشاركة غرفة في بيت مع شباب ..
الميزات / حرية في الدخول والخروج – فيه نوع من الوناسة بحكم انه الشباب في سنك – تكوين صداقات ..
التكلفة / 600 ريال وانت طالع .. اسبوعياً ( أغلب الغرف تكون في حدود 180 ) دولار نيوزلندي ..
ولكن حط ببالك أنه عليك دور في تنظيف وترتيب البيت وغير كدا ممكن تكون بعيدة عن السيتي ..
برضوا بالنسبة لمصاريف البيت ( ماء – كهرباء – انترنت – مواد تنظيف ) يتقاسموا الفاتورة الشباب اللي ساكنين في البيت
عموماً في نيوزلندا النظام في الدفع اسبوعي .. فاختار السكن اللي حابه واضرب الرقم في 4 بيطلع لك النتيجة بالشهر ..
هذه مواقع تفيد في البحث عن الشقق والغرف
http://www.trademe.co.nz/flatmates-wanted

هل تستعد لرحلة أو سوف تسافر لأي مكان بالعالم .. سجل هنا لتحصل على تخفيضات بالفنادق تصل ل90 % اضغط هنا
3) المواصلات ..
هنا في أوكلاند .. الباصات هي الشريان الرئيسي للمواصلات العامة ..
نظام الباصات كالتالي :-
كل منطقة لها نقطة توقف .. تبدأ من مركز المدينة وتبدأ تبعد عن المركز ..
فلو بيتك يبعد عن مركز المدينة 3 نقاط توقف لك سعر .. وإذا بيتك يبعد نقطتين لك سعر .. وزي كدا ..
طبعاً لازم تحط ببالك انه الباص بيحاسب بالمشوار الواحد ..
فلو انت رايح للمدرسة تعتب مشوار وانت راجع تعتبر مشوار ثاني ..
اوكي .. انا حاحط هنا جدول بسيط يبين كل نقطة توقف كم سعرها
نقاط التوقف
السعر بالدولار
السعر بالريال
1 نقطة توقف
$1.90
6.08
2 نقطتين توقف
$3.40
10.88
3 نقاط توقف
$4.50
14.4
4 نقاط توقف
$5.60
17.92
5 نقاط توقف
$6.80
21.76
6 نقاط توقف
$7.90
25.28
7 نقاط توقف
$9.00
28.8
8 نقاط توقف
$10.30
32.96
أغلب المعاهد توفر لك عوائل تكون أقرب من 3 نقاط لك ..
غير كدا بالنسبة للطالب له تخفيض في إذا كانت فترة إقامته أكثر من 3 شهور ..
الطريقة الثانية هو انك تشوف المنطقة اللي انت ساكن فيها وتشتري بطاقة باص شهرية ..
إذا انتَ في منطقة A :- تكلفك البطاقة 140 دولار شهري ( 448 ريال سعودي )
إذا انت في منطقة B :- تكلفك البطاقة 140 دولار شهري ( 448 ريال سعودي )
إذا انت ما بين منطقة A ومنطقة B :- تكلفك البطاقة 215 دولار شهرياً ( 688 ريال سعودي )
إذا أنت في النورث شور وهي منطقة كبيرة هنا .. حتشتري بطاقة اسبوعية بقيمة 40.5 دولار نيوزلندي ( 129.6 ريال اسبوعياً ) .
في وسائل مواصلات ثانية بس ما عمري استخدمتها اللي هي القطار / السفن ..
هذا موقع وسائل المواصلات العامة في أوكلاند للي حاب يعرف أكثر
http://www.maxx.co.nz/home.aspx

4) الأكل والشرب .
بالنسبة للأكل والشرب هذه ما اقدر احسبها كويس ..
لكن عموماً الاكل هنا سعره زي السعودية لكن بالدولار ..
مثلاً غدانا في حدود 10 إلى 15 دولار ..
الكولا بـ 1.5 – البيتزا في حدود 9 دولار ..
أتوقع 20 دولار في اليوم كافية وزيادة للفطور والغدا والعشا لو انك عزابي مو في عيلة عشان انت حتشتري فطورك وعشاك من البقالة
وتسويهم بنفسك ..
هذه بعض مواقع البقالات اللي توضح الأسعار حقت المنتجات اللي هنا ..
5) الاتصالات .

بالنسبة للإتصالات الشريحة سعرها 30 دولار نيوزلندي وبعد كدا يحتاج تشحنها بـ 20 دولار شهرياً وتعطيك هذه الشحنة 2 جيجا انترنت و 2500 رسالة .

.

أغلب شركات الاتصالات تقدم هذه الخدمة وأشهرها
فودا فون
تيليكوم
2 دقريز
بالنسبة للتجوال مجاني لكل من موبايلي والاتصالات بس لو كانت شريحتك فاتورة
أما لو كانت شحن فياخذوا منك رسوم بس والله مو متأكد كم الرسوم اللي ياخذوها على استقبال المكالمات
6) المعاهد ..
بالنسبة للمعاهد أنا ما اعرف كم أسعار المعاهد ولكن هي تتراوح ما بين 200 دولار في الأسبوع إلى 450 دولار في الأسبوع ..
فخلينا نقول المتوسط في حدود 350 دولار اسبوعياً
هذا رابط المعاهد المعتمدة في الملحقية
على اليمين تلاقي المدن اللي فيها المعاهد اضغط على الروابط وبتجيك قائمة المعاهد
ملخص الكلام اللي فوق في الجدول التالي :-
النوع  السعر بالدولار اسبوعيا  السعر بالدولار شهرياً  السعر بالريال اسبوعيا  السعر بالريال شهرياً
السكن  220  880  704  2816
المواصلات  35  140  112  448
الأكل والشرب لحالك  150  600  480  1920
الأكل والشرب مع عائلة  70  280  224  896
جوال  5  20  16  64
المعهد  350  1400  1120  4480
المجموع  830  3320  2656  10624

في نقطتين صغيرة حاطها برا الحسبة .. اللي هيّ رسوم الفيزا 220 دولار مره واحدة والتأمين 100 دولار شهرياً ورسوم اختبار الايلتس 365 دولار للي حاب يضيفها يضيفها………المزيد

الكاتبة
Rita Mohseny
Rita.Mohseny@outlook.com

..........المزيد . هذه الأخبار وعشرات الأخبار الأخري تجدونها على موقع صوت استراليا ونيوزيلندا الرسمي

اكتب ايميلك هنا:

Delivered by FeedBurner

هل لديك عقار أو شقة أو فيلا خالية في أي مكان بالعالم .. سجل من هنا لتعرضه لحجوزات المسافرين باليوم او الاسبوع او الشهر وأحصل على أكبر مقابل مالي .. سجل عقارك هنا .

اضغط هنا للعودة للصفحة الرئيسية

You may also like...

error: Content is protected !!